快速開始

乜嘢係「分治小馬」？

分治小馬係一個主要面向 My Little Pony 粉絲圈嘅分治宇宙實例集合，且爲方便大衆而被翻譯爲多種語言。有咗分治小馬，快啲嚟搵個理想嘅實例嚟做您嘅起始社羣，開啓您邁向分治宇宙嘅大門啦！

乜嘢係「分治宇宙」？

分治宇宙係由唔同社交網路互相連結所構成嘅一個網絡。如果冇額外添加嘅限制，分治宇宙上面嘅所有人都可以互相交互。佢喺一個由無數社羣所組成嘅繁榮有機共同體。

分治宇宙係一個多元嘅平臺。如果您想要類似 Twitter 的 microblogging，我哋有 Mastodon、Misskey 同 Firefish 等選擇。PixelFed 可以畀您享受好似 Instagram 咁嘅貼圖，PeerTube 可以畀您體驗好似 YouTube 咁嘅影片分享。只有您諗唔到，冇分治宇宙做唔到！

除開實例本身，分治宇宙大體上並唔係由單一實體所有，因此可以避免某個實體將成個分治宇宙強制接管。與企業運營嘅社交媒體唔同，分治宇宙上面嘅用戶擁有佢哋資料嘅所有權。分治宇宙亦唔以營利爲目的——大多數實例都係靠課金嚟營運，令佢哋幾乎唔可能變成一個充斥住廣告嘅地獄。

我要點樣加入「分治宇宙」？

好簡單咋！首先搵個實例，跟住喺上面開個帳戶。驗證過程通常會需要一個電郵，不過由於呢類驗證郵件成日會被當咗做垃圾郵件，所以還請同時檢查您嘅垃圾郵件。當您嘅帳戶成功通過驗證之後，就快快來加入這場狂歡吧！

我係咪一定要講英文？

我哋鼓勵您喺分治宇宙度講英文，但呢個並唔係強制性嘅要求，亦唔係道德上嘅義務。您大可自己揀想講咩語言，廣東話都得㗎！

默認嘅介面並唔啱我，我應該點做？

大多數時候，只需要您安裝啱您胃口嘅應用程式就得㗎啦！有咁多分治宇宙嘅應用程式畀您揀，總有一款是您的菜。對於瀏覽器而言，亦都有將現有介面美化用嘅 CSS 同擴展套件㗎。

跟住落嚟做咩？

仲喺度諗？快啲嚟搵一部伺服器，加入分治宇宙啦！